काठमाडौं- प्रभाव राष्ट्रिय दैनिकका रेभिन्यु प्रमुख श्याम राउतको निधन भएको छ । बिहीबार बिहान ३७ वर्षको उमेरमा उनको असामयिक निधन भएको हो ।
राउत बिहान दैनिक पत्रिका वितरणको कामसमेत गदर्थे । पत्रिका वितरणका लागि जाने नियमित समयमा नउठेपछि ब्युँझाउन खोज्दा अचेत अवस्थामा पाइएको परिवारले बताएको छ । त्यसलगतै उनलाई वीर अस्पताल पुर्याइएकोमा चिकित्सकले मृत्यु भइसकेको घोषणा गरेको थियो ।
राउत विगत ८ वर्षदेखि प्रभाव पब्लिकेशन प्रालिसँग आवद्ध थिए । उनी आफना काममा इमान्दार र सस्थाप्रति पूर्ण जिम्मेबार रहँदै आएका थिए । मिजासिला स्वभावका उनी सबैका प्रिय थिए । उनको निधनले सस्थालाई ठुलो क्षति पुगेको प्रभाव पब्लिकेशन प्रालिकी अध्यक्ष लालसरा राईले बताइन् । अध्यक्ष राईले मृतक राउतप्रति श्रद्धाञ्जली व्यक्त्त गर्दै शोकमा परेका परिवारलाई समवेदना प्रकट गरेकी छन् ।
उदयपूर नेपालटारका राउत हाल परिवार सहित कलंकीमा बस्दै आएका थिए । उनको एक छोरा र श्रीमती छन् ।
प्रकाशित मिति: बिहीबार, माघ १२, २०७९ १७:०४
