नाइजेरिया - मध्य नाइजेरियाको नासारवा राज्यमा भएको विष्फोटमा २७ जनाको ज्यान गएको छ ।
मङ्गलबार राति भएको विष्फोटमा परि २७ जनाको मृत्यु भएकाे बिहीबार प्रहरीले पुष्टि गरेको छ ।
विष्फोटमा ज्यान गुमाएका २७ जनाको शव फेला परेका नासारवाका प्रहरी प्रवक्ता रमहान नान्सेलले जानकारी दिएका छन् ।
घटनामा ज्यान गुमाएका सबै फिरन्ते पशुपालक भएका उनले जनाएका छन् ।
विष्फोटको कारण पत्ता लगाउन प्रहरीका साथै अन्य सुरक्षा निकायका अधिकारी परिचालन गरिएको छ ।
नासारवाका गभर्नरले विष्फोटलाई दुर्भाग्यपूर्ण भन्दै दोषीलाई कारबाही गरिने प्रतिबद्धता व्यक्त गरेका छन् ।
प्रकाशित मिति: बिहीबार, माघ १२, २०७९ १७:४९
