एजेन्सी- क्रिस्टियानो रोनाल्डो आवद्ध अल–नसर साउदी सुपर कपको सेमिफाइनलबाट बाहिरिएको छ । बिहीबार राति भएको खेलमा अल इतिहादसँग ३–१ गोल अन्तरले पराजित हुँदै नसर प्रतियोगिताबाट बाहिरिएको हो । ।
खेलको १५ औं मिनेटमा इतिहादका लागि रोमारिन्होले गोल गर्दै टिमलाई अग्रता दिलाएका थिए । त्यस्तै खेलको ५३ औं मिनेटमा अब्देराजाक हाम्दाल्लाहले गोल गर्दै इतिहादको अग्रता दोब्बर पारे । खेलको ४७ औं मिनेटमा नसरका लागि टालिस्काले गोल गर्दै टिमलाई २–१ गोलको अवस्थामा ल्याए । खेलको इन्जुरी समयमा महन्नद अल शानक्विटीले इतिहादका लागि गोल गर्दै टिमलाई ३–१ गोल अन्तरले जित दिलाए ।
यसरी अल–नासरको १३ खेलको अपराजित यात्रा समाप्त भएको छ । अहिलेसम्म अल–नासरले १० जित र तीन पटक बराबरी खेलेको थियो ।
यो खेलमा रोनाल्डोले दुई सट मात्रै ल्याए र एउटा सफल ड्रिबल गरे । उनले विपक्षीलाई हराउन दुई पटक मात्र प्रयास गर्न सफल रहे ।
प्रकाशित मिति: शुक्रबार, माघ १३, २०७९ १०:२४
