एजेन्सी– अभिनेत्री प्रियंका चोपडाले छोरी मालती मेरीको अनुहार पहिलो पटक मिडिया र फ्यानहरूसामु सार्वजनिक गरेकी छन् ।
अभिनेत्री प्रियंका चोपडा जोनस र पति निक जोनसले उनीहरुको छोरी एक वर्ष पुगेको दिनमा आधिकारिक रूपमा छोरी मालतीको अनुहार संसार सामु सार्वजनिक गरेका हुन् ।
जोनास ब्रदर्सको ‘वाक अफ फेम’ समारोहमा मालतीको अनुहार देखाइएको हो । जसमा निक जोनास र उनका भाइ केभिन र जो उपस्थित थिए।प्रियंका चोपडा र निक जोनसले गत वर्ष मालतीलाई सरोगेसी मार्फत जन्माएका हुन् ।
डन र अङ्ग्रेजी टिभी शृंखला क्वान्टिको जस्ता हिन्दी फिल्ममा अभिनय गरिसकेकी चोपडाले विगतमा छोरी मालतीका धेरै तस्बिरहरू पोस्ट गरेतापनि अनुहार भने लुकाउने गरेकी थिइन् ।
