काठमाडौं– कालिञ्चोक दर्शनले सर्वसाधारणलाई बिक्री खुलाएको साधारण सेयर (आइपीओ) बाँडफाँट सम्पन्न भएको छ । दर्शनले माघ ३ देखि ६ गतेसम्म आवदेन खुलाएको आईपीओ आज बाँडफाँट गरेको हो ।
कम्पनीले बिक्री खुलाएकोभन्दा धेरै आवेदन परेपछि गोलाप्रथा माध्यमद्वारा अधिकतम १० कित्ताका दरले बाँडफाँट गरिएको हो । आईपीओमा १४ लाख ७३ हजार जनाले आवेदन दिएका थिए ।
उक्त आवेदकहरुले १ करोड ६६ लाख ७० हजार कित्ताभन्दा बढीका लागि आवेदन दिएका थिए । त्यसमध्ये ८ हजारको आवेदन रद्द भएको थियो ।
१४ लाख ६५ हजार ७६३ जना आवेदकमध्येबाट १८ हजार ६४० आवेदकले सेयर पाएका छन् । उनीहरुले प्रतिव्यक्ति १० कित्ताका दरले ८ करोड ९६ लाख ४०० रुपैयाँ बराबरको ८ लाख ९६ हजार ४०० कित्ता सेयर पाएका हुन् ।
प्रकाशित मिति: बिहीबार, माघ १९, २०७९ १२:२५
