काठमाडौं – नेपाली राष्ट्रिय टिमकी फरवार्ड सावित्रा भण्डारी भारतमा भइरहेको हिरो इन्डियन वुमन्स लिगमा उत्कृष्ट प्रदर्शन गरेकी छिन् । मंगलबार सम्पन्न खेलमा उनको ५ गोलको मद्दतले गोकुलमलले केन्क्रे एफसीलाई १०–१ ले पराजित गरेको हो । बैंगलोर फुटबल स्टेडियममा मंगलवार भएको खेलमा सावित्राले खेलको सात मिनेटमै पहिलो गोल गरेकी थिइन् ।
यस्तै १९औं मिनेटमा दोस्रो गोल गरेकी सावित्राले पहिलो हाफको इन्जुरी टाइममा ह्याट्रिक पूरा गरिन् । यस्तै ४८ औं र ६१ औं मिनेटमा गोल गरिन् । गोकुलमका लागि करिस्मा शिर्भोइकरले पनि ह्याट्रिक गरिन् । उनले खेलको तेस्रो मिनेट १७ औं र ५१ औं मिनेटमा गोल गरिन् । यस्तै मनिसाले २० औं र ३०औं मिनेटमा गोल गरिन् । लगातार दोस्रो जितपछि गोकुलम समूह बी मा ६ अंकसहित शीर्ष स्थानमा उक्लेको छ ।
