एजेन्सी– अभिनेता सिद्धार्थ मल्होत्रा र कियारा आडवाणीले विवाह गरेका छन् । नवविवाहित जोडी कियारा र सिद्धार्थले आफ्नो विवाहको एल्बम इन्स्टाग्राममा सेयर गरेका छन् । जैसलमेर नजिकैको सूर्यगढ रिसोर्टमा विवाह गरेका उनीहरुले तीन मनमोहक तस्विरहरू पोस्ट गरेका छन् । तस्विर शेयर गर्दे क्यापसनमा लेखेका छन्,‘ अब हमारी स्थायी बुकिंग हो गई है, हाम्रो अगाडिको यात्रामा तपाईंको आशीर्वाद र माया चाहन्छौं। ’
कियारा र सिद्धार्थको विवाहमा धेरै नजिकका परिवार र साथीहरू मात्र उपस्थित भएका थिए। शाहिद कपूर र मीरा राजपूत, करण जोहर, ईशा अम्बानी र आनन्द पिरामल र जुही चावला, जय मेहताको उपस्थित रहेको थियो। फिल्म कबीर सिंहमा शाहिद र कियाराले साथमा अभिनय गरेका थिए । करण जोहरले सिद्धार्थलाई २०१२ को फिल्म ‘स्टुडेन्ट अफ द इयर’ मा लन्च गरेका थिए र कियारालाई लस्ट स्टोरीजमा निर्देशित गरेका थिए।
कियारा आडवाणी र सिद्धार्थ मल्होत्रा २०२१ को फिल्म शेरशाहको सुटिङका क्रममा प्रेममा परेका थिए । जसमा सिद्धार्थले कारगिल नायक क्याप्टेन विक्रम बत्रा र कियाराले उनको प्रेमी डिम्पल चीमाको भूमिका निर्वाह गरेका थिए। विक्की कौशल र भूमि पेडनेकरसँग गोविन्द नाम मेरामा अन्तिम पटक देखिएकी कियारासँग कार्तिक आर्यनसँग सत्यप्रेम की कथा र राम चरणसँग तेलुगु फिल्ममा काम भइरहेको छ। सिद्धार्थको नयाँ फिल्म मिशन मजनु गत महिना रिलिज भएको थियो र उनी अर्को फिल्म योधामा देखिनेछन् ।
प्रकाशित मिति: बुधबार, माघ २५, २०७९ ११:५८
