काठमाडौं– चर्चित गायक सुगम पोखरेलको आवाजमा रहेको ‘लाखौँमा एक तिमी’ बोलको म्युजिक भिडियो सार्वजनिक भएको छ । मोडल तथा गीतकार मनोज सिग्देल (युरेश)को शब्द संगीत रहेको यस गीतमा गीतकार सिग्देल र मोडल बिन्दु दवाडीलाई फिचर्ड गरिएको छ ।
यसअघि ‘आफुभन्दा जेठी’.बोलको गीतबाट शब्द र अभिनयमा राम्रो नाम बनाएको सिग्देलको यो संगीतमा रहेको गीतले पनि नेपाली सांगीतिक बजारमा राम्रो नाम कमाउनेमा उनी ढुक्क रहेका छन् । गायक सुगम पोखरेलको आवाज रहेको यस गीत गायक पोखरेलको पनि सोलो गीत धेरै पछि आएको हो । ‘यस गीतबाट मैले निकै राम्रो आशा गरेको छु .। मेरा सोलो गीतहरू प्राय सबै जसो हिट छन् । यसबाट पनि म ढुक्क छु’ गायक पोखरेलले भने । गीतलाई गोपाल रसाइँलीले एरेन्ज गरेका हुन् ।
यस भिडियोलाई निर्देशक शान थापाले निर्देशन गरेका हुन् भने अर्जुन तिवारीले खिचेका छन् । सम्पादन इन्टेन्सिभ एल्डले गरेका छन् भने राजिब समरको कोरियोग्राफी रहेको छ । यस गीतमा फिमेल मोडल बिन्दु दवाडीको भने पहिलो म्युजिक भिडियो हो ।
