काठमाडौं – केपी ओली कप राष्ट्रिय फुटबल च्याम्पियनसिपको पहिलो खेलमा पुलिस र सातदोबाटोबीच खेल हुने भएको छ ।
आयोजक राष्ट्रिय युवा संघ नेपालले आज आइतबार सार्वजनिक गरेको ‘ड्र’ अनुसार पहिलो खेलमा नेपाल पुलिस क्लब र सातदोबाटो युथ क्लब भिड्ने भएको हो ।
पुलिस र सातदोबाटोबीचको खेल आगामी फागुन ११ गते एन्फा कम्प्लेक्समा हुने र्भको छ । खेल ३ बजे सुरु हुनेछ ।
प्रतियोगिताको फाइनल खेल दशरथ रंगशालामा हुनेछ भने बाहेक सम्पूर्ण खेल एन्फा कम्प्लेक्स सातदोबाटोमा नै हुने भएको हो ।
प्रतियोगिता फागुन ११ गतेबाट १७ गतेसम्म हुनेछ । प्रतियोगितामा ‘ए’ डिभिजन क्लबका ७ र एक आयोजक टोली गरी ८ टिमले प्रतिस्पर्धा गर्ने छन् ।
प्रतियोगिताको विजेताले उपाधिसहित १० लाख नगद तथा उपविजेताले ५ लाख नगद प्राप्त गर्ने आयोजकले जनाएको छ ।
प्रकाशित मिति: आइतबार, माघ २९, २०७९ १४:५६
