एजेन्सी– एलोन मस्कले अन्ततः ट्विटरको लागि सीईओ फेला पारेका छन्। चाखलाग्दो कुरा के छ भने, ट्विटरका नयाँ सीईओ मानिस होइन कुकुर हुन्। उनी मस्कको पाल्तु कुकुर, फ्लोकी, शिबा इनु हुन्। नयाँ ट्विटर प्रमुखले आफ्नो कुकुर फ्लोकीले ‘अर्को केटा’ पराग अग्रवाल भन्दा राम्रो सीईओ बनाएको महसुस गरेका छन्। मस्कले अग्रवाललाई ४४ अर्ब डलरको सम्झौतामा कम्पनीको जिम्मेवारी सम्हाल्नेबित्तिकै बर्खास्त गरेका थिए । अग्रवालसँगै, ट्विटरका कानूनी प्रमुख विजया गड्डे र सीएफओ नेल सेगललाई पनि हटाएका हुन्।
मस्कले सार्वजनिक गरेको फोटोमा उनको शिबा इनु कुकुर सीईओको कुर्सीमा बसेको देखाइएको छ। मस्को कुकुरले ट्विटर ब्रान्डको कालो टी–शर्ट लगाएको देखिन्छ जसमा सीईओ लेखिएको छ। कुकुरको अगाडि केही कागजपत्र र एउटा सानो ल्यापटप पनि राखिएको छ ।
तस्बिर सेयर गर्दै मस्कले लेखेका छन्, ‘ट्विटरको नयाँ सीईओ अचम्मको छ’, फलोअप ट्वीटमा उनले लेखेका छन्, ‘यो अरु केटाभन्दा धेरै राम्रो छ ।
मस्को पोस्टले ट्विटरमा रमाइलो प्रतिक्रियाहरू पाईरहेको छ। एक प्रयोगकर्ताले टिप्पणी गरेका छन् , ‘मलाई यी फ्रेमहरू राम्रो लाग्छ। भ्यालेन्टाइनका लागि उपयुक्त।’
त्यस्तै अर्को प्रयोगकर्ताले लेखेका छन्, ‘फ्लोकीले बल ल्याउनेदेखि इन्टर्नले उनलाई कफी ल्याएसम्म कसरी गयो वास्तवमै प्रेरणादायी। म हुर्कँदा उनी जस्तै बन्न चाहन्छु । ’
अक्टोबर २०२२ मा, मस्कले प्रमुख कार्यकारी पराग अग्रवाललाई बर्खास्त गरेका थिए।
उनले गत अक्टोबरमा भारतीय मूलका नेड सेगल र कानूनी नीति प्रमुख विजया गड्डेलाई कम्पनीको ४४ अर्ब डलरको अधिग्रहणपछि बर्खास्त गरेका थिए। त्यसपछि मस्कले ट्वीटरको करिब आधा कामदारलाई पनि हटाइदिएका थिए।
डिसेम्बरमा, उनले ट्वीटरको सीईओ पदबाट राजीनामा दिने बताएका थिए ।
प्रकाशित मिति: बुधबार, फागुन ३, २०७९ ११:५३
