काठमाडौं– बलिउड अभिनेत्री सन्नी लियोन निर्माता समेत हुने भएकी छन् । उनी निर्मित पहिलो फिल्मको हाल सुटिङ सुरु भइसकेको जनाइएको छ ।
सन्नीले आफ्नो फिल्म आख्यानमा आधारित रहेको बताएकी छन् । उनले भनिन्, ‘मेरो फिल्म यही वर्ष आउँछ । म उत्साहित छु । फिल्म आख्यान हो, यसमा कुनै सामाजिक सन्देश छैन । यो साइकोलोजिकल थ्रिलर फिल्म हो ।’
अभिनेत्री सन्नी लियोनलाई बलिउडमा अभिनेत्रीका रूपमा जम्न निकै मुश्किल परेको थियो । तर, अब उनी निर्माताका रूपमा पनि संघर्ष गर्नु पर्ने उनले बताएकी छन् ।
बलिउडमा सलमान, आमिर र शाहरूख खान वा उनीहरूकै स्तरका ठूला फिल्म बनाउनेहरूलाई बाहेक अरुलाई निश्चित बजेटमै खुम्चिनुपर्ने बाध्यता रहेको उनको भनाइ छ ।
सन्नीले भनेकी छन्, ‘यदि बजेट र कथा मेरो नियन्त्रणमा हुन्छ भने मैले अरुलाई दोष दिने ठाउँ हुँदैन । यो सिद्धान्त आफैँले लागू गर्नेवाला छु ।’
फिल्मको काममा उनका श्रीमान ड्यानियल वेबरले पनि सघाइरहेको बताइएको छन् । उनले भनिन्, ‘हामीले सही मान्छे र ठाउँ चुनेका छौँ । मसँग कुनै इगो पनि छैन । म त सेटमा पर्याे भने अरुलाई चिया बाँड्न पनि तयार छु ।’ उनले आफ््ना लागि सबै काम समान भएको बताइन् । उनले फिल्म निर्माण र सुटिङ रोचक ढंगले भइरहेको समेत बताएकी छन् ।
