काठमाडौं– अखिल क्रान्तिकारीले घोषणापत्र लेखन समिति गठन गरेको छ । संगठनका उपाध्यक्ष नारायण खनालको नेतृत्वमा स्ववियू चुनाव घोषणापत्र लेखन समिति गठन गरिएको हो । आवश्यकताअनुसार अरु सदस्यहरु संयोजकलाई थप्ने जिम्मेवारी दिएको छ ।
अखिल क्रान्तिकारीले स्ववियू चुनावमा घोषणापत्र लेख्नुभन्दा अघि रत्नराज्यलक्ष्मी क्याम्पसमा विभिन्न संकायका विद्यार्थीसँग, पदम कन्या क्याम्पसमा महिला विद्यार्थीसँग छलफल गरेको थियो ।
अरू प्राध्यापक, विषय विज्ञसँग समेत छलफल गरेर घोषणापत्र तयार गरिने अखिल क्रान्तिकारीका प्रवक्ता मिलन एमसीले बताए । स्ववियू चुनावलाई जनमुखी बनाउन विभिन्न निकायसँग छलफल गरेर घोषणापत्र तयार गर्न लागिएको एमसीले बताए । अखिल क्रान्तिकारीले विभिन्न निकायसँग छलफल गरेर पहिलो पटक स्ववियू घोषणापत्र तयार गर्न लागेको हो ।
प्रकाशित मिति: सोमबार, फागुन ८, २०७९ ११:४१
