काठमाडौं – सातौँ राष्ट्रियर्याफटिङ र ११औँ कायक स्लालम प्रतियोगिता आजबाट सुरु भएको छ ।
नेपाल र्याफटिङ र क्यानोइङ संघ(NRCA)को आयोजनामा अन्तराष्ट्रिय स्तरको प्रतियोगितामा पठाउनका लागि सिन्धुपाल्चोक जिल्लाको भोटेकाशी नदीमा ७औँ राष्ट्रिय र्याफटिङ र ११औँ कायकिङ स्लालोम प्रतियोगिता आजबाट सुरु भएको हो ।
उक्त कार्यक्रममा प्रमुख अतिथिमा एनओसीका अध्यक्ष तथा पूर्व संस्कृति, पर्यटन तथा नागरिक उड्डयन मन्त्री जीवनराम श्रेष्ठको उपस्थिति रहेको थियो ।
विशेष अतिथिमा भने बागमती प्रदेश खेलकुद विकास परिषद्का सदस्य सचिव सूर्य जोशी र अन्य अतिथिहरुको उपस्थिति रहेको आयोजकले बताएको छ ।
पानीमा रमाउनेहरुका लागि साहसिक मानिने र्याफटिङ र कायकिङ खेल निकै रोचक मानिन्दै आएको छ । यस खेलमा पाँच विधाहरुकाे आधारमा प्रतिष्पर्धा हुने आयाेजकले बताएकाे छ ।
र्याफटिङसँग आवद्ध भएका विभिन्न संस्थाहरु जस्तै
NEPAL ASSOCIATION OF RAFTING AGENCIES (NARA),HRGAN, NTB,खेलकुद विकास समिति र राष्ट्रिय खेलकुद परिषद्को सहकार्यमा फागुन ९गतेबाट सु? भई तीन दिनसम्म जारी रहने आयोजकले बताएका छन् ।
ल्च्ऋब्का महासचिव सुदिप राज गौतमले उक्त खेलमा भाग लिनका लागि देशभरिका विभिन्न क्षेत्रबाट एक सय ३५जना सहभागी भएको बताएका छन् । उनका अनुसार उक्त खेलमा विजेता हुनेहरुलाई पन्ध्र हजार ,दश हजार र पाँच हजार पाउने छन् । उक्त प्रतियोगितामा विजयी खेलाडीहरुलाई अन्तराष्ट्रिय स्तरको खेलमा प्रतिष्पर्धामा भाग लिन पाउने छन् ।
यस्ता प्रतियोगिताले आम नदी किनारासँग जोडेर काम गर्नेहरुका लागि मात्र नभएर खोला जोगाउनुपर्छ भन्ने अवधारणको पनि विकास गर्नु र सन्देश दिनु रहेको सहभागी कायक विक्रम गुरुङले बताएका छन् ।
नेपालमा पर्यटन व्यवसाय कोभिडका कारण धरासयी भइरहँदा यस्ता खाल्का सहासिक खेलहरुले प्रोत्साहन मिल्ने व्यवसायीहरु बताउँछन् ।
फाेटाे स्राेत :NRCA
