काठमाडाैं -
‘मुन्द्रेको कमेडि क्लब चैत्र २ गते देखि प्रसारण हुने भएकाे छ ।
कि इन्टरटेन्मेन्ट तथा ए.डी.रिलिजको सहकार्यमा यहि चैत्र २ गते देखि लोकप्रिय कमेडि सो मुन्द्रेको कमेडि क्लब नियमित रुपमा उत्पादन गरी सि.टि.एक्सप्रेस मुन्द्रेको कमेडि क्लबको नामबाट कान्तिपुर टेलिभिजनमा प्रसारण गरिने भएको छ र युट्युबमा OSRबाट प्रसारण हुने एक प्रेस मिट गरी जानकारी दिएकाे हाे ।
उक्त कार्यक्रमको मुख्य प्रायोजकमा सि.टि.एक्सप्रेस मनि ट्रान्सफर रहेको छ भने कार्यक्रमको मार्केटिङ ए.डी.रिलिज प्रा.लि.ले गर्दैछ । चैत्र २ गतेबाट प्रत्येक बिहिबार बेलुकी ९ः०० बजे कान्तिपुर टेलिभिजनबाट प्रसारण गरिने मुन्द्रेको कमेडि क्लबका मुख्य कलाकारका रुपमा चर्चित हाँस्य कलाकार जितु नेपाल र नायिका प्रियांका कार्की रहेका छन् ।
त्यसैगरि कलाकारहरु दमन रुपाखेति, राजेन्द्र नेपाली ’लट्टे’, प्रभात लामा, दिनेश काफ्ले, श्याम राना, एलिना बास्कोटाको साथै अन्य कलाकारहरु पनि विभिन्न भागहरुमा उपस्थिति रहनेछ । कार्यक्रमको निर्देशन दिनेश डि.सि.ले गर्ने भएका छन् ।
यस कार्यक्रमबाट हाँसो र व्यङ्ग्य मार्फत परिवार, समाज र आम जनमानस समाजलाई सु–सूचित हुने अवसर मिल्ने छ । साथै देशका लब्ध प्रतिष्ठित विभिन्न विधाको व्यक्तिहरु पाहुनाका रुपमा स्विकार गरि मनोरन्जन प्रदान गर्नेछँै भन्ने हामीले विश्वास लिएका छौँ ।
