काठमाडौं–अर्जेन्टिनी स्टार एन्जल डि मारियाले ह्याट्रिक गरेपछि युभेन्टस बिहीबार नान्टेसलाई ३-0ले पराजित गर्दै समग्रमा ४-१ को जित निकाल्दै युरोपा लिगको अन्तिम १६ मा पुगेको छ ।
घरेलु टोली नान्टेसलाई नकआउट प्ले अफ राउन्डको दोस्रो लेगमा ३–० ले पराजित गर्दै युभेन्ट्स अन्तिम १६ मा पुग्न सफल भएको हो ।
नान्टेसमा बिहीबार राति भएको खेलको पाँचौं मिनेटमा डि मारियाले निकोलो फाजिओलीले पासमा गरेको गोलबाट युभेन्ट्सले सुरुवाती अग्रता दिलाएका थिए ।
पेनाल्टी बक्समा मारियाले गरेको प्रहारलाई हातले रोके रेफ्रीले निकोलस पालोइसलाई सिधै रातो कार्ड देखाउँदै मैदान बाहिर पठाए । त्यसपछि १० खेलाडीमा सिमित भएको नान्टेस विरुद्ध उनले पेनाल्टी सुटआउटमार्फत २–० को अग्रता दिलाए ।
डुसान भ्लाहोभिचको पासमा ७८औं मिनेटमा डि मारियाले ह्याट्रिक पूरा गर्दै युभेन्ट्सलाई सहज जित दिलाए ।
प्रकाशित मिति: शुक्रबार, फागुन १२, २०७९ १०:१३
