काठमाडौं-अभिनेत्री पुजा शर्माले भगवान शिवको नाम लिएकी छन् । पल शाह रिहा हुने भएपछि उनले समाजिक सञ्जालमा सोमबार एक फोटो पोष्ट गर्दै,‘ ओम नमः शिवाय ,मतलब भगवान शिवलाई प्रणाम गर्छु’ । भने क्यापसन लेखेकी छन् ।
नाबालिग बलात्कार आरोपमा जेल परेका पलको पक्षमा पुजा बोल्दै आएकी थिईन् । केही दिन अघि मात्र पलको बर्थडे मनाउन उनी दमौली कारागार नै पुगेकी थिईन् । हिजो आईतबार मात्र पुजाले ‘आज पानी पर्यो, सबै फोहोर पखालियो । मेरो साथी पलले सफाइ पायो । अब सबै कुरा सुन्दर भएर आयो । धन्य भगवान । ’ भन्ने खाल्का पोष्ट समेत गरेकी थिईन् ।
उच्च अदालत पोखराको फैसलाअनुसार सोमबार पल रिहा भएका हुन् । नाबालिग बलात्कार आरोप लागेका उनले आइतबार उच्च अदालत पोखराबाट सफाइ पाएका थिए । आइतबार कार्यालय समय सकिइसकेकाले आवश्यक प्रक्रिया पुर्याउन ढिला भएपछि आज कार्यालय खुलेसँगै प्रकिया पुरा गरिएको हो । हजारौंको संख्यामा कारागार बाहिर उनका समर्थकहरुको भीड छ ।
प्रकाशित मिति: सोमबार, फागुन १५, २०७९ १३:०३
