काठमाडौं– निर्देशक दिपेन्द्र के खनालको पछिल्लो फिल्म ‘आमा’ को ‘मनको मौलोदेखि मन्दिरसम्म’ बोलको गीत सार्वजनिक गरिएको छ ।
उक्त गीतमा केतन क्षेत्रीको स्वर रहेको छ भने भूपेन्द्र खड्काको शब्द र सुवाश भुषालको संगीत रहेको छ । यो गीत फिल्मको एक मात्र गीत हो ।
यस गीतमा श्रीमान विरामी भएपछि छटपटिएकी श्रीमती र उनको सन्तानप्रतिको मायालाई प्रस्तुत गरिएको छ ।
यस फिल्ममा निर्देशक खनालकै लेखन तथा छायाङ्कन, लेखन रहेको छ । यस फिल्ममा मिथिला शर्मा, सुरक्षा पन्त, सरिता गिरी, देशभक्त खनाल, मनिष निरौला, लक्ष्मी भुषाल, टिका पहारी, पदमप्रसाद पौडेल, आशान्त शर्मा, सरोज अर्याल, अश्मिता खनाल, सुदिप खतिवडा, झकेन्द्र जीसी, विकास खनाललगायतको अभिनय रहेको छ । शर्मिला पाण्डेको निर्माणमा बनेको फिल्म ९ फाल्गुनमा रिलिज हुनेछ ।
