काठमाडौं– माया खोला हाईड्रोपावर कम्पनी लिमिटेडले आफ्नो शेयर रजिष्ट्रार र सम्बन्धित परामर्श सेवा प्रदायक (Advisory) मा सिटिजन्स् क्यापिटल लिमिटेडलाई नियुक्त गरेको छ । मिति २०७९ फाल्गुन १९ गते शुक्रबार कम्पनी र क्यापिटल बिच सम्झौता भएकोमा सोही मितिबाट उक्त सम्झौता लागु हुने समेत जनाइएको छ । उक्त सम्झौतामा मायाखोला हाईड्रोपावर कम्पनीकातर्फबाट प्रबन्ध संचालक श्री दिनेश प्रसाद श्रेष्ठ र सिटिजन्स् क्यापिटलका तर्फबाट प्रमुख कार्यकारी अधिकृत सबिर बादे श्रेष्ठले हस्ताक्षर गरेको छ ।
माया खोला हाईड्रोपावर कम्पनीले फाल्गुनको पहिलो साताबाट विद्युत उत्पादन परिक्षण गरीरहेको छ भने सिटिजन्स् क्यापिटलले धितोपत्र निष्काशन, सामूहिक लगानी कोष तथा पोर्टफोलियो लगानी व्यवस्थापन (PMS) साथै अन्य मर्चेन्ट तथा इन्भेष्टमेन्ट बैंकिङ्ग सेवाहरु प्रदान गर्दै आइरहेको छ ।
प्रकाशित मिति: आइतबार, फागुन २१, २०७९ १६:२४
