काठमाडौं –सिन्धुलीमा भएको बस दुर्घटनामा परेकाहरूलाई तत्काल उद्धार गर्न प्रधानमन्त्री प्रचण्डले निर्देशन दिएका छन्।
प्रधानमन्त्री प्रचण्डले सम्बन्धित निकायलाई निर्देशन दिँदै उद्धार तथा घाइतेका उपचार प्रभावकारी बनाउन आग्रह गरेका छन् ।
‘सिन्धुलीमा बस दुर्घटना भई ५ जनाको मृत्यु र दर्जनौं यात्रु घाइते भएको खबरले दुखी तुल्याएको छ। दुर्घटनाका मृतकहरूप्रति भावपूर्ण श्रद्धासुमन व्यक्त गर्दछु। घाइतेहरूको शीघ्र स्वास्थ्यलाभको कामनासहित उद्दार कार्य प्रभावकारी बनाउन सम्बद्ध सबैमा निर्देशित गर्दछु,’ ट्वीट गर्दै प्रधानमन्त्रीले भनेका छन्।
सिन्धुलीको फिकल गाउँपालिका–४ कुइभिरडाँडामा आज बिहान बस दुर्घटना हुँदा ५ जनाको घटनास्थलमै मृत्यु भएको थियो।
प्रकाशित मिति: आइतबार, फागुन २८, २०७९ ११:४९
