एजेन्सी - अमेरिकामा बैकिङ क्षेत्रमा संकट परिरहेका छन् । फर्स्ट रिपब्लिक बैंक पनि बन्द हुने खतरासँगै यस्ताे समस्या उत्पन्न भएको छ । सिलिकन भ्याली बैंक र सिग्नेचर बैंक पछि अहिले फर्स्ट रिपब्लिक बैंक पनि बन्द हुने खतरा उत्पन्न भएको हाे ।
गएकाे पाँच दिनमा फर्स्ट रिपब्लिक बैंकको शेयरमा ६५.६१ प्रतिशतको गिरावट देखिएको छ । एक महिनामा भने शेयर मूल्य ७०.३० प्रतिशतले घटेको छ । यस्तो अवस्थामा यस बैंकलाई लिएर लगानीकर्ताहरुकाे चिन्ता बढेको देखिन्छ ।
रेटिंग एजेन्सी मूडीजले पनि ती ६ अमेरिकी बैंकहरुलाई समीक्षाको दायरामा राखेको जनाइएकाे छ । ती ६ मध्ये फर्स्ट रिपब्लिक बैंकको नाम पनि समावेश गरिएको छ ।
यसबाहेक रेटिंग एजेन्सीले जिओन्स बेनकर्पोरेशन, वेस्टर्न एलिएंस ब्यानकर्प, कमेरिका इंक, यूएमबी फाइनान्शियल कर्पोरेशन र इंट्रस्ट फाइनान्सियल कर्पोरेशनको रेटिंगलाई घटाउँदै समीक्षाको दायरामा राखेको थियो । यसअघि सोमबार मूडिजले सिग्नेजर बैंकको डेट रेटिंगलाई घटाएर गरी जंक टेरिटरीमा राखेको थियो ।
आफूलाई बचाउँदै आफूसँग पर्याप्त नगद भएको फर्स्ट रिपब्लिक बैंकले बताइरहेकाे छ । यस बाहेक अतिरिक्त नगदका लागि फेड र जेपी मोर्गनसँग हात मिलाएको छ । यसअघि सोमबार पश्चिमी गठबन्धनले बैंकसँग २५ बिलियन डलर भन्दा धेरै नगद रहेको बताएको थियो ।
प्रकाशित मिति: बुधबार, चैत १, २०७९ १७:०७
