काठमाडौं– नेपाली बजारमा सुनको मूल्यले नयाँ कीर्तिमान राखेको छ । नेपाल सुनचाँदी व्यवसायी महासङ्घलेका अनुसार आज नेपाली बजारमा सुनको मूल्य तोलामा १ लाख १० हजार रुपैयाँ कायम भएको बताएको छ ।
यसअघि, सुनको उच्च मूल्यको कीर्तिमान तोलामा १ लाख ७ हजार ५०० रुपैयाँको थियो । आज भने तोलामै १ लाख १० हजार रुपैयाँ पुगेको हो । यससँगै, आज तेजाबी सुनको मूल्य तोलामा १ लाख ९ हजार कायम भएको छ ।
चाँदीको मूल्य तोलामा १३ सय ४५ रुपैयाँ कायम भएको छ । हिजो चाँदीको मूल्य तोलामा १३ सय १० रुपैयाँ कायम थियो ।
प्रकाशित मिति: आइतबार, चैत ५, २०७९ ११:१२
