लतिलपुर–पूर्व प्रधानमन्त्री एवं नेकपाका वरिष्ठ नेता माधवकुमार नेपालले घर र वरिपरि वातावरणलाई संरक्षण गर्ने कार्यमा पुरुषभन्दा महिलाले इमान्दारिताका साथ काम गर्ने बताएका छन् ।
पूर्व प्रधानमन्त्री नेपालले ललितपुर चक्रपथ र मुख्य सडक सरसफाई तथा सुन्दरता अभियानमा सक्रिय रूपमा योगदान पुर्याउने संघसंस्था तथा व्यक्तिहरू सम्मानीत गर्दै महिला शिक्षामा जोड दिएका थिए ।
उनले शिक्षाले मात्रै नभई चेतनाको विकास हुन सकेको खण्डमा मात्र सरसफाई गर्ने कार्यक्रममा जागरण आउने पनि बताए । उनले महिलाले जागरण कार्यमा उल्लेख्य भूमिका निर्वाह गर्न सक्ने धारणा राख्दै महिला शिक्षामा जोड दिएका थिए ।
ललितपुर चक्रपथ र मुख्य सडक सरसफाई तथा सुन्दरता अभियान संयोजक लक्ष्मीप्रसाद दुलालको सभापतित्वमा सम्पन्न उक्त कार्यक्रमका विशेष अतिथिहरूमा प्रतिनिधि सभा सदस्य माननीय पम्पा भुसाल, प्रतिनिधि सभा सदस्य माननीय कृष्णलाल महर्जन, प्रदेशसभा सदस्य माननीय राजकाजी महर्जन, प्रदेश सभा सदस्य माननीय जीवन खड्काको सहभागिता रहेका थिए ।
त्यस्तै अतिथिहरूमा पूर्व सभासद् सुशीला नेपाल, प्रमख जिल्ला अधिकारी भागिरथ पाण्डेय, जिल्ला समन्वय समितिका प्रमुख अम्बरबहादुर खड्का, ललितपुर महानगरपालिकाको प्रमुख प्रशासकीय अधिकृत प्रेमप्रसाद भट्टराई, प्रहरी उपरीक्षक दुर्गा सिंह, नेपाली सेना राजदल गणका गणपति(कर्णेल) उत्तम सापकोटा, वरिष्ठ कलाकार किरण केसी, फोहरमैला व्यवस्थापन संघ नेपाल(स्वमान)का अध्यक्ष धनप्रसाद आचार्य, वातवारण संरक्षण गैरसरकारी संस्था महासंघका अध्यक्ष टिकाराम दाहाल, नेकपा ललितपुर जिल्ला इञ्चार्ज हरि दाहाल, नेकपा ललितपुर जिल्ला अध्यक्ष हरिकृष्ण ब्यञ्जनकार, ललितपुर महानगरपालिका–१४ का वडा अध्यक्ष रामबाबु महत, ललितपुर महानगरपालिका–१५ का वडा अध्यक्ष सुर्दशन मिश्र, ललितपुर महानगरपालिका–१७ का वडा अध्यक्ष विनोद महर्जन, ललितपुर महानगरपालिका–३ का वडा अध्यक्ष श्रीगोपाल महर्जन, ललितपुर महानगरपालिका–१३ का अध्यक्ष गणेश केसी, सशस्त्र प्रहरी बल दक्षिणकाली गणका डिएसपी नरबहादुर राउत, अतिरिक्त महानगरीय प्रहरी वृत्त सातदोबाटोका प्रहरी नायव उपरीक्षक (डिएसपी) मित्रबन्धु शर्माको उपस्थिति रहेको थियो । त्यस्तै अन्य अतिथिहरूमा सुमेरु ग्रूपका अध्यक्ष भरत महर्जन, फोहरमैला व्यवस्थापन संघका उपाध्यक्ष सहदेव राउत, ललितपुर महानगरपालिका कार्यपालिका सदस्य संगीता अछामी, महानगरीय ट्राफिक प्रहरीवृत्त सातदोबाटोका प्रमुख भेलामान सिंह अधिकारी, स्थानीय नागरिक सरोकार मञ्चका अध्यक्ष रुद्रकुमार जोशी, ललितपुर महानगरपालिकाका वातावरण इन्जिनियर प्रदीप अमात्य, डिलाइट पार्टी भेन्युका सञ्चालक कृष्ण हुमागाईंलगायतको उपस्थिति थियो ।
अतुलनीय अनवरत सहयात्रा सम्मान नेप्सेम्याक सेवा प्रा.लि.(नयाँबाटो, ललितपुर) सिर्जनसिप सेवा प्रा.लि., खुमलटार लतिलपुर, बहुउद्देश्यीय क्लिनिङ सर्भिस प्रा.लि. महानगरीय प्रहरी परिसर ललितपुरले प्राप्त गरेका छन् ।
