काठमाडौं– आगामी वैशाख १० गते हुने उपनिर्वाचन र सरकार निर्माणलगायतका विषयमा छलफल गर्न लोकतान्त्रिक समाजवादी पार्टी, नेपाल (लोसपा) ले केन्द्रीय कार्यकारिणी समितिको बैठक बोलाएको छ ।
बैठक आज दिउँसो १ बजे बस्ने जनाइएको छ । (लोसपा) को उक्त बैठकमा वैशाख १० मा हुने उपनिर्वाचन, सरकारमा सहभागी, सङ्गठन विस्तारलगायतका विषयमा छलफल हुने कार्यकारिणी समिति सदस्य केशव झाले जानकारी दिए ।
लोसपाले बारा–२ मा हुने उपनिर्वाचनमा पार्टीका तर्फबाट उम्मेदवार उठाउने वा सत्तागठबन्धनका साझा उम्मेदवार बनाउने भन्ने विषयमा छलफल हुने भनिएको छ । यस बैठकमा पार्टी सरकारमा सहभागी हुने विषयमा पनि छलफल हुने बताइएको छ ।
प्रकाशित मिति: बिहीबार, चैत ९, २०७९ १२:०२
