काठमाडौं – नवनियुक्त प्रहरी महानिरीक्षक (आईजीपी) बसन्तबहादुर कुँवरले दर्ज्यानी चिह्न लगाएका छन् । गृह मन्त्रालयमा आयोजित समारोहमा आइतबार गृह सचिव विनोद प्रकाश सिंहले उनलाई दर्ज्यानी चिन्ह लगाइदिएका हुन् ।
प्रहरी अतिरिक्त महानिरीक्षक (एआईजी) को फुली लगाएको पाँचौ दिनमा कुँवरले आईजीपीको फुली लगाएका छन् । कुँवरले चैत ८ मा एआईजीको फुली लगाएका थिए ।
चैत ६ मा मन्त्रिपरिषद्ले कुँवर सहित ५ जना अधिकृतहरुलाई अतिरिक्त महानिरीक्षक (एआईजी) मा बढुवा गर्ने निर्णय गरेको थियो । चैत १० मा कुँवरलाई अन्त्रिपरिषद्ले आईजीपी नियुक्त गरेको हो ।
तस्विर : सामाजिक सञ्जाल
प्रकाशित मिति: आइतबार, चैत १२, २०७९ ११:५७
