काठमाडौं– काठमाडौं, शंखरापुर नगरपालिका– १ तल्लो नाङ्लेभारेमा जहरसिंह पौवाबाट मेलम्चीतर्फ जाँदै गरेको बा ४५ प ५४४१ नम्बरको मोटरसाइकलको ठक्करबाट पैदलयात्री सोही ठाउँ बस्ने ४२ वर्षीय राम बहादुर तामाङको आइतबार साँझ मृत्यु भएको छ ।
ठक्करबाट गम्भीर घाइते भएका उनको शिक्षण अस्पताल महाराजगंजमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकल चालकको सलम्बुटारस्थित पिपुल्स लाईफ कियर अस्पतालमा सामान्य उपचार पश्चात थप उपचारको लागि शंखरापुर अस्पताल पठाइएको छ ।
मोरङ, कटहरी गाउँपालिका-४ स्थित रंगेली बिराटनगर सडकको जुडीपुलमा को।२ प ३५३० नम्बरको मोटरसाइकल आफै अनियन्त्रित भई आइतबार राति दुर्घटना हुँदा चालक धनपालथान गाउँपालिका– ७ बस्ने ३७ वर्षीय मुकेश यादवको मृत्यु भएको छ । दुर्घटनामा गम्भीर घाइते भएका उनको कोशी अस्पताल बिराटनगरमा उपचारको क्रममा मृत्यु भएको हो ।
दुर्घटनाका सम्बन्धमा प्रहरीले थप अनुसन्धान गरिरहेको छ ।
प्रकाशित मिति: सोमबार, चैत १३, २०७९ १०:३०
