काठमाडौं– भारतको दार्जिलिङमा रहेर लोकगीतको माध्यमबाट लोकगायिकाको परिचय स्थापित गरेकी गायिका आदित्य वाइबाले आफ्नो नयाँ ‘ढिकी कुटी’को भिडियो सार्वजनिक गरेकी छन् ।
महिलाका पीडा, वेदना र चुनौतीका बिषयमा गीत गाउन रुचाउने उनको गीतहरूमा नेपाली समाजको झझल्को पाइन्छ । ‘ढिकी कुटी’ एउटी युवती अथवा महिलाले आफ्नो जीवनकालमा देख्ने भोग्ने विभिन्न ऋतुहरूको बयान हो ।
सुरुवातमा उसँग रूप र यौवन हुन्छ । उसको रूप र यौवनको लोभले उसलाई पाउन चाहनेहरूको प्रेममा भुल्न पुग्छे । अन्ततः जब ऊ एक्ली हुन्छे, तब जीवनमा निराशा र अन्धकार महसुश गर्न पुग्छे । धरान, नागाल्याण्ड र पश्चिम दार्जिलिङकी गायिका आदित्यल आफ्नो भिडियोका छायाङ्कन पनि उत्तै गरेकी छन् ।
उक्त गीतमा शब्द गायिका वाइबाकै छ भने संगीत गायिका वाइबा र सत्य आदित्य वाइबाको रहेको छ । भिडियोमा स्वयम् गायिकाले अभिनय गरेकी छन् । भिडियोमा सत्य आदित्य वाइबाको निर्देशन रहेको छ ।
गायिका वाइबा स्व. बरिष्ठ लोकगायिका हिरादेवी वाइबाकी छोरी हुन् । एयरलाइन्सको जागिरपश्चात हाल उनी आफ्नी आमाकै पेशामा फर्किएकी हुन् । यसघि सन् २०१७ मा ‘आमालाई श्रदान्जली’ नामक एल्वम ल्याएपछि उनी गायनमा सक्रिय भएकी हुन् ।
