काठमाडौं– नेपाली म्युजिकल फिल्म ‘हत्या हिंसा’ सार्वजनिक भएको छ । यस गीतमा स्वर्गीय हरिशरण डोटेलको शब्द रचना तथा सुजन मल्ल र मानशी किरण द्वयको संगीत रहेको छ भने उनकै स्वर रहेको छ ।
रक जनारामा तयार गरिएको गीतलाई म्युजिकल फिल्मको रुप भने निर्देशक शेर शाहीले दिएका छन् । हत्या र बलात्कार जस्ता घटनालाई आधार बनाएर कथा वस्तु तयार पारिएको उक्त सांगीतिक चलचित्रलाई एम के प्रोडक्सनले निर्माण गरेको छ ।
पोस्ट प्रोडक्सनको काम भने फाइनल पिक्जेल कम्पनीले गरेको मानशी किरणले बताए ।
यस म्युजिक फिल्ममा मानशी किरण, शेर शाही, सुस्मिता भण्डारी, गंगा गजमेर, सुरेश थापा, रेशम भण्डारी,बुद्दि गडाल, श्री कृष्ण शाही , नारायण बि क, रोशन तन्डुकार, सुशील प्रसाद ढकाल, आयुष जी मगरको अभिनय रहेको छ ।
कलाकार छनोटमा सुरेन्द्र केसी रहेका छन् । उक्त म्युजिक फिल्मको छायांकन क्राइसिस ज्याकले गरेका छन् । मानशी किरणको युट्युब च्यानेलबाट नै सार्वजनिक गरिएको छ ।
प्रकाशित मिति: शनिबार, चैत १८, २०७९ १०:२७
