एजेन्सी - बुर्किनाफासोले फ्रान्सको ले मोन्डे र लिबरेशन दैनिकका संवाददाताहरूलाई निष्कासन गरेको छ । बुर्किनाफासोस्थित हाम्रा संवाददाता सोफी डुसलाई देशबाट निष्कासन गरिएको ले मोन्डे र लिबरेशन दैनिकले जनाएकाे हाे ।
एकै समयमा लिबरेसनबाट उनको सहकर्मी, एग्नेस फेव्रे पनि निष्कासनमा परेकी छन् । मोन्डेले आफ्नो वेबसाइटमा खुलाएकाे छ । पश्चिमी अफ्रिकी देशको उक्त कार्यलाई अस्वीकार्य भन्दै उक्त कदमको निन्दा गरिएको छ ।
शनिबार निष्कासनमा परेका दुवै महिला आइतबार बिहान पेरिस पुगेका मोन्डेले जनाएको छ । अल–कायदाका उत्तर अफ्रिकाका प्रमुखको अन्तर्वार्ता प्रसारण गरेपछि गत सोमबार बुर्किनाफासोको सरकारले फ्रान्स २४ न्यूज च्यानलको सबै प्रसारण स्थगन गरेको थियो ।
गत डिसेम्बरमा रेडियो फ्रान्स इन्टरनेसनलप्रति पनि उसले प्रतिबन्ध लगाएको थियो । गत वर्ष दुईपटक विद्रोहको सामना गरेको बुर्किना फासो छिमेकी मालीबाट फैलिएको जिहादी विद्रोहविरुद्ध लडिरहेको छ । सन् २०१५ देखि मालीका विद्रोहीले बुर्किना फासोलाई आक्रमणको निशान बनाइरहेका छन् ।
प्रकाशित मिति: आइतबार, चैत १९, २०७९ १५:२५
