काठमाडौं – आइएमई ग्रुपअन्तर्गत संचालित आइएमई ट्राभल्सले १४ औं वार्षिकोत्सव मनाएको छ । वार्षिकोत्सवका अवसरमा ट्राभलले टुर प्याकेज खरिद गरी यात्रागर्ने १ जनालाई गोला प्रथाबाट छनोट गरी चन्द्रगिरि रिसोर्टमा एक (१) रात खाने–बस्ने सहितको सुबिधा निःशुल्क उपलब्ध गराउनुका साथै हवाइ टिकट खरिद गर्ने मध्येबाट १ जनालाई सोहीअनुरूप छनोट गरी माउन्टेन फ्लाइटको टिकट उपल्ब्ध गराइने जनाइएको छ । उक्त योजना फेब्रुअरी, मार्च र अप्रिल भर लागु हुनेछ ।
वार्षिकोत्सव समारोहमा नेपाल उद्योग बाणिज्य महासंघका उपाध्यक्ष समेत रहेका आइएमई ग्रुपका अध्यक्ष चन्द्रप्रसाद ढकालले नेपालको समग्र बिकासको मेरुदण्डको रूपमा रहेको पर्यटन उद्योग र यस क्षेत्रसँग सम्बन्धित सम्पूर्ण व्यबसायीलाई पर्यटन बिकासका लागि आफ्नो तह र तप्काबाट राज्यले निर्दिष्ट गरेका मापदण्डभित्र रहेर अझबिशेष भूमिका खेल्न गरे । आन्तरिक पर्यटनको प्रवद्र्घन र बिकासका लागि विभिन्न खालका कार्यक्रमहरू संचालन गर्दै सामाजिक उत्तरदायित्वको भावनाका साथ आगामी बढ्ने कुरा आइएमई ट्राभल्सका प्रमुख कार्यकारी अधिकृत बिनोद सापकोटाले जनाए ।
