काठमाडौं– नेपाली फिल्म ‘प्रेम गीत–३’को पहिलो गीत ‘हात्ती ढुंगामा’ सार्वजनिक भएको छ । मंगलबार सार्वजनिक गरिएको गीतमा सागर आले र मेलिना राईको स्वर रहेको छ ।
गीतमा हर्क साउदको शब्द तथा कल्याण सिंहको संगीत रहेको छ । यस गीतको भिडियोमा कविराज गहतराजको कोरियोग्राफी रहेको छ । गीतको भिडियोमा फिल्मका मुख्य कलाकारलाई फिचर्ड गरिएको छ ।
छेतेन गुरुङ र सन्तोष सेनले निर्देशन गरिरहेको फिल्ममा प्रदीप खड्का, क्रिस्टिना गुरुङ, मनिष राउत, शिव श्रेष्ठ, सुनिल थापा, सन्तोष सेन, माओत्से गुरुङ, पुस्कर कार्की, प्रेम पुरी, लक्ष्मी वर्देवा, अनुभव रेग्मी, योगिशा खत्री, सम्बृद्धि शाही ठकुरी, क्रिजन गौतम, जीवन बराल, जीवन भट्टराई, सुजल बस्नेतलगायतका कलाकारको अभिनय रहेको छ ।
आसुशेन फिल्मस् प्रोडक्सनको प्रस्तुति रहको यो फिल्म आगामी २८ चैतमा रिलिज हुनेछ । कल्याण सिंह र एलिश कार्कीको संगीत रहेको फिल्ममा राजेश श्रेष्ठले डिओपी, हिमाल केसीले एक्सन, कविराज गहतराजले कोरियोग्राफी र बनिश शाह, भूपेन्द्र अधिकारीले सम्पादन गरेका छन् । यस फिल्मलाई बहुप्रतिक्षित रूपमा हेरिएको छ ।
प्रकाशित मिति: बुधबार, माघ २२, २०७६ ०९:१५
