काठमाडौं– गायक डिबी खड्काको नयाँ गीत ‘तिमीले पनि सताउँछौ, मैले पनि सताउँछु’ सार्वजनिक भएको छ । संगीतकारसमेत रहेका गायक डिबीको गीत आकर्षक म्युजिक भिडियोसहित सार्वजनिक भएको हो । गीतमा डिबीलाई स्वरमा साथ चर्चित गायिका मेलिना राईले दिएकी छन् ।
कलेज जीवनमा हुने प्रेम र रोमान्सको थिममा गीतको म्युजिक भिडियो तयार गरिएको छ । भिडियोमा समुन्द्र वाग्ले र याङ्सु श्रेष्ठको अभिनय देख्न सकिन्छ । क्रान्ति केसीको सम्पादन तथा निर्देशन रहेको भिडियोको कोरियोग्राफी अजय रेग्मीले गरेका हुन् ।
रत्न बेहोशी र रामकुमार राईको शब्द रहेको गीतमा संगीत डिबी खड्काले भरेका छन् । गीत डान्सिङ रोमान्टिक शैलीमा तयार गरिएको छ । गायक तथा संगीतकार डिबी खड्काले यसअघि थुप्रै गीत ल्याइसकेका छन् ।
