काठमाडौं– फिल्म ‘चपली हाइट–३’ले दर्शकलाई बैंकक घुमाउने योजना बनाएको छ । यो फिल्म २८ चैतमा प्रदर्शनमा आउँदै छ । बैंकक घुम्ने अवसरका लागि फिल्मको ‘चार आनाको मसला’ बोलको गीतमा टिकटक बनाउनुपर्नेछ । फिल्म निर्माता अर्जुन कुमारका अनुसार प्रथम हुनेलाई बैंकक घुमाइने छ ।
लाइक र भ्यूज धेरै पाएको टिकटक भिडियोमध्ये एउटालाई विजेता घोषणा गरिने बताइएको छ । यो प्रतियोगिताले फिल्मको प्रचारप्रसारमा सघाउ पुग्ने निर्माण टिमको विश्वास छ ।
निकेश खड्का निर्देशित फिल्ममा स्वस्तिमा खड्का, सुपुष्पा भट्ट, आमिर गौतम, महेश त्रिपाठी, प्रतिकमान श्रेष्ठ, अर्पण थापा, दीपाश्री निरौला, लक्ष्मी बर्देवा, लोकेन्द्र लेखकलगायतका कलाकारको अभिनय रहेको छ ।
