रोम – लाजियोका स्ट्राइकर सिरो इमोबिलेको कार दुर्घटनामा परेर घाइते भएका छन् । इटालीको रोममा उनको कार ट्रामसँग ठोक्किँदा दुर्घटना भएको हो । उनको ढाड र करङमा चोट लागेको हो ।
३३ वर्षीय खेलाडीले गत शुक्रबार मात्र सिरिए एमा लाजियोले स्पेजियालाई ३-० गोलले हराउँदा गोल गरेका थिए । लाजियोले इमोबिलेको मेरुदण्ड चोट लागेको र दाहिने भागको करङमा फ्रयाक्चर भएको जानकारी दिएको छ । उनको अवस्था भने स्थिर रहेको बताइएको छ ।
प्रकाशित मिति: सोमबार, वैशाख ४, २०८० ११:५१
