काठमाडौं - गायिका सुनिता थेगिमको नयाँ गीत ‘म पर्खिरहेछु’ सार्वजनिक भएको छ । प्रेमिकाले प्रेमीप्रति गरेका आग्रहहरु समेटिएका यो गीतको म्यूजिक भिडियो सार्वजनिक भएकाे हाे ।
प्रयास दुमी राईको शब्दमा ‘म पर्खिरहेछु, पर्ख नभनी, जब खुल्छ यो मनको आँखा, तिमी हुनु मेरो नजर अगाडी’ गीतहरु लेखेका छन् ।
गायिका सूनितालाई गायक मुस्कान मुकारुङले साथ दिएका छन् । यो गीतकाे म्यूजिक भिडियोमा शन्तकुमार राई र अनुशा राईको जीवन्त अभिनयको केमिस्ट्री रहेको छ ।
भिडियोमा काठमाडाैं र ललितपुरका मनहारी ठाउँहरु समेटिएका छन् । भिडियोमा समेटिएका दृष्यहरुले गीतमा निकै रोमान्स थपेकाे छ ।
थेगिमकै संगीत रहेको यो गीत देवेश राईले एरेन्ज गरेका हुन् । इशक जगेवूको निर्देशन, छायाँकन र सम्पादन रहेको भिडियो एस के आर पिक्चरबाट सार्वजनिक गरिएको छ ।
भिडियो लिङ्क : https://www.youtube.com/watch?v=dcCRQMkWNC8
प्रकाशित मिति: बुधबार, वैशाख ६, २०८० ०७:४४
