काठमाडौं - कोरोना संक्रमणबाट थप एक जनाको मृत्यु भएको छ । पछिल्लो २४ घण्टामा थप एकजनाको मृत्यु भएको स्वास्थ्य मन्त्रालयले जनाएको हाे ।
मन्त्रालयका अनुसार शुक्राबार मात्रै थप एक सया ६ जनामा कोरोना संक्रमण पुष्टि भएको छ ।
पछिल्लो २४ घण्टामा १ हजार आठ सय ८३ नमुनामध्ये पाँच सय ८१ जनाको पीसीआर परीक्षण गर्दा ६४ जना र १ हजार तीन सय २ जनाको एन्टीजेन परीक्षण गर्दा ४२ जना गरी एक सय ६ जनामा कोरोना संक्रमण देखिएको हो ।
यस्तै कोरोना संक्रिय संक्रमितको संख्या भने ४ सय १४ पुगेको छ भने संस्थागत आईशोलेशनमा २५ जना, आईसीयूमा ७ जना र भेन्टिलेटरमा ३ जना उपचार गरिरहेका छन् ।
संक्रमण दिनप्रतिदिन बढ्दै गएपछि स्वास्थ्य मन्त्रालयले कोरोनाविरुद्धको बुस्टर डोज लगाउन सबैमा आग्रह गरेको छ ।
प्रकाशित मिति: शुक्रबार, वैशाख ८, २०८० १६:४९
