काठमाडौं– बलात्कारको आरोप लागेका क्रिकेटर सन्दीप लामिछाने विरुद्धको मुद्दाको सुनुवाइ आज हुने भएको छ । उनको मुद्दाको सुनुवाइ न्यायाधिश दीपक ढकालको इजलासमा जिल्ला अदालत काठमाडौंले तोकेको छ । सुनुवाइ बन्द इजलासमा हुनेछ ।
बलात्कार आरोप लागेपछि सन्दीपलाई गत असोज २० गते प्रहरीले पक्राउ गरेको थियो । त्यसको भोलिपल्टै नेपाल क्रिकेट संघ क्यानले उनलाई राष्ट्रिय टिमबाट निलम्बन गरेको थियो । काठमाडौं जिल्ला अदालतले पुर्पक्षका लागि थुनामा राख्न दिएको आदेशविरुद्ध बेरित निवेदन दिएका सन्दीप उच्च अदालतको आदेशपछि गत पुस २९ गते धरौटीमा रिहा भएका थिए ।
त्यसपछि क्यानले उनको निलम्बन फुकुवा गरेर राष्ट्रिय टिममा समावेश गरेको थियो ।
प्रकाशित मिति: सोमबार, वैशाख ११, २०८० १३:१३
