बारा – जनता समाजवादी पार्टी नेपाल (जसपा) का अध्यक्ष तथा बारा २ का उम्मेदवार उपेन्द्र यादवले चुनाव जित्नेमा आफू ढुक्क रहेको बताएका छन् ।
कलैया उपमहानगरपालिकास्थित गंगापुरमा रहेको मतगणनास्थलमा पुगेका अध्यक्ष यादवले सो कुरा बताएका हुन् । उनले चुनाव जित्नकै लागि आफूले उपनिर्वाचन लडेको समेत बताए ।
उनले मतगणनास्थल पुगेर मतगणनाको विषयमा जानकारी लिएका थिए । मतगणनाको प्राप्त मतपरिणाममा यादव फराकिलो मतान्तरसहित अग्रस्थानमा छन् । उनले १४ हजार एक सय ८० मत प्राप्त गर्दा जनमत पार्टीका शिवचन्द्र कुशवाहाले ९ हजार तीन सय २६ मत पाएका छन् ।
प्रकाशित मिति: मंगलबार, वैशाख १२, २०८० १४:२९
