काठमाडौं– गायक रोशन धिमालले आफ्नो डेब्यु गीत ‘ल्याङ ल्याङ जिन्दगी’ सार्वजनिक गरेका छन् । रोजगारको सिलसिलामा हाल मकाउमा रहेका गायक धिमालले शिक्षित युवा र बेरोजगारलाई आधार बनाएर यथार्थपरक गीत सार्वजनिक गरेका हुन् ।
टेलिभिजन र रेडियोमा आफ्नो भविष्य खोज्दै एक समय संचारकर्मीको रूपमा समेत काम गरेका गरेका धिमालले यस गीतमा आफ्नै भोगाइ र भावना प्रस्तुत गरेका छन् ।
गायक, संगीतकार र गीतकारका रूपमा धिमालको पहिलो कोसिश हो यो । यस गीतको संगीत संयोजन बादल लिम्बुले गरेका हुन् । भुपेन्द्र तुम्बाहाङ्फेले छायाङ्कन गरेका भिडियोमा स्वयं गायक धिमाल र मेची पुत्र फिचर्ड छनु ।
थैली इन्टरटेन्मेण्ट र कदम थियटरको प्रस्तुति रहेको भिडियोलाई सिजन दहाल र किरण चामलिङ राईले सयुक्त रूपमा निर्देशन गरेका हुन् । भिडियोलाई दर्शक÷श्रोताको सकारात्मक प्रतिक्रिया प्राप्त भइरहेको गायक धिमालले बताए ।
