सुर्खेत – आज जुम्लामा हुने अभिनन्दन कार्यक्रमलाई पूर्व राजा ज्ञानेन्द्र शाहले सम्बोधन गर्ने भएका छन् । उनी नेपालगन्जबाट जहाजमा जुम्ला जाने कार्यक्रम रहेको छ ।
पूर्व राजा शाहसँग अहिले नेपालगन्जमा पूर्व युवराज्ञी हिमानी शाह पनि छिन् । यस अभिनन्दन कार्यक्रममा ज्ञानेन्द्र र हिमानी सहभागी हुने बताइएको छ ।
प्रारम्भिक जानकारीअनुसार पूर्व राजा शाहले करिब १ घण्टा जति चन्दनाथ र भैरवनाथको पूजाआजा गर्ने कार्यक्रम रहेको छ भने त्यस लगत्तै १ घण्टा नागरिक अभिनन्दन कार्यक्रममा सरिक हुने छन् ।
अभिनन्दन कार्यक्रमलाई सम्बोधनपछि पूर्व राजा शाह नेपालगन्ज फर्कने कार्यक्रम रहेको छ ।
पूर्व राजा जुम्लामा साढे २ घण्टा जति रहने बताइएको छ ।
प्रकाशित मिति: आइतबार, वैशाख १७, २०८० ११:४६
