काठमाडौं– गीतसंगीतको क्षेत्र निकै फराकिलो छ । यो फराकिलो क्षेत्रमा नवकलाकारको उदय बढिरहेको छ । नयाँ कलाकारहरूले जसरी पनि आफ्ना श्रोता तथा दर्शकलाई उत्कृष्ट सांगीतिक स्वाद प्रदान गर्ने प्रयास गरिरहेका हुन्छन् ।
यसैक्रममा भर्खरैमात्र एक आधुनिक गीत बजारमा आएको छ । उक्त ‘तिमी हौ’ बोलको गीतमा बिशाल निरौला र प्रबिशा अधिकारीको सुमधुर स्वर सुन्न सकिन्छ । यस गीतलाई संगीत, रचना तथा संगीत संयोजन बिशाल निरौलाले गरेका छन् ।
यस गीतको म्युजिक भिडियोमा टिकटकमा भाइरल बनेकी मोडल दिया जिसीको अभिनय देख्न सकिन्छ । दियासँगै भिडियोमा ओबी रायमाझी र सौगात मिश्र पनि देखिएका छन् । उनीहरूको अभिनय समायोजनले भिडियोलाई सुन्दर बनाएको छ ।
उक्त गीतको म्युजिक भिडियोलाई निर्देशन तथा कोरियोग्राफी प्रथम क्षेत्रीले गरेका हुन् भने छायाङ्कन ज्ञानेन्द्र शर्मा र प्रमोद श्रेष्ठले गरेका छन् भने सम्पादन मिलन बिश्वकर्माको रहेको छ ।
