काठमाडौं– डेल्टिन समूहले पहिलोपटक आफ्नो अन्तर्राष्ट्रिय परियोजना डेल्टिन क्यासिनोको होटल म्यारिएटबाट सुरुवात गरेको छ । शनिबारदेखि सुरु भएको उक्त क्यासिनोको एभरेष्ट हस्पिट्यालिटी एण्ड होटल प्रा.लि.सँग गरेको सम्झौताको पहिलो क्यासिनो हो । समूहले नेपालमा अन्तर्राष्ट्रिय स्तरको क्यासिनो सेवा प्रदान गर्ने लक्ष्य लिएको छ । भिजिट नेपाल २०२० को सन्दर्भसँगै संचालनमा आएको यो क्यासिनोले नेपालमा क्यासिनो–पर्यटनलाई अझ थप उचाईमा लैजाने विश्वास गरिएको छ । साथै पर्यटनका अन्य पक्षलाई समेत ध्यानमा राखेर नेपालको अर्थतन्त्र उकास्नसमेत यसको थप योगदान रहनेछ । क्यासिनोले हाल २५० जना स्थानीयलाई रोजगारी प्रदान गरेको छ । यी कर्मचारीहरूबाट उच्चस्तरीय सेवा प्रदान गर्ने प्रतिबद्धता स्वरूप उनीहरूलाई ६ महिनासम्म अन्तर्राष्ट्रिय सुपरिवेक्षकको निगरानीमा प्रशिक्षण प्रदान गरिएको थियो ।
