काठमाडौं– कीर्तिमानी आरोही कामीरिता शेर्पाले २७ औं पटक सगरमाथाको आरोहण गरेका छन् ।
सेभेन समिट ट्रेक्सका म्यानेजर थानेश्वर गुरगाईँका अनुसार शेर्पा आज बुधबार बिहान साढे ८ बजे २७ औं पटक सगरमाथाको चुचुरोमा पुगेका हुन् । उनी एक जना विदेशी क्लाइन्टलाई लिएर आज बिहान सगरमाथा शिखरमा पुगेका हुन् ।
यसअघि २६ पटक सगरमाथाको सफल आरोहण गरिसकेका कामीरिताले फेरि सगरमाथा आरोहण गरेर आफ्नै कीर्तिमान तोडेका हुन् ।
आप्पा शेर्पा र फुर्वाटासी शेर्पाले २१ पटक सगरमाथा आरोहण गरेका छन् । उनीहरु दुवैले पर्वतारोहणबाट यसअघि नै सन्यास लिइसकेका छन् ।
प्रकाशित मिति: बुधबार, जेठ ३, २०८० ११:१२
