काठमाडौं– आज बुधबार नेपाली बजारमा सुनको भाउ घटेको छ । आज सुनकाे मूल्य तोलामा एघार सय रुपैँयाले घटेको हो ।
नेपाल सुनचाँदी व्यवसायी महासंघले जनाए अनुसार आज छापावाला सुन तोलाको एक लाख १0 हजार एक सय रुपैँया छ भने तेजावी सुनको मूल्य प्रतितोला एक लाख ९ हजार ९५० रुपैयाँ रहेको छ ।
त्यस्तै, आज चाँदीको मूल्य पनि घटेको छ । हिजो चाँदीको मूल्य प्रतितोला एक हजार तीन सय ७५ रुपैयाँमा कारोबार भएकोमा आज घटेर प्रतितोला एक हजार तीन सय ७० रुपैयाँ मूल्य कायम भएको महासंघले जनाएको छ ।
