काठमाडौं– गायक समीर आचार्य र गायिका सुरेखा क्षेत्रीको नयाँ गीत ‘रेल गाडी’को भिडियो सार्वजनिक भएको छ । पछिल्लो समय दर्जनौँ चर्चित गीतहरूमा स्वर दिएर सांगीतिक क्षेत्रमा चर्चामा आएका आचार्य र क्षेत्रीको यस गीतको भिडियोमा नायक तथा मोडल नाजिर हुसेन र प्रियना आचार्यलाइ फिचर्ड गरिएको छ ।
अष्ट्रेलीयामा हुने नेपाली इभेन्ट र नेपाली गीतसंगीतको लागि प्रबद्र्धन गर्दै आएको मायालु इन्टरटेनमेन्टको प्रस्तुती रहेको यस गीतमा सन्तोष सुनारको शब्द तथा संगीत रहेको छ । यस गीतको भिडियोमा छायाङ्कन अर्जुन तिवारी र निर्देशन दीपक आचार्यले गरेका हुन् ।
एक दशकदेखि अष्ट्रेलियामा रहेर सांगीतिक क्षेत्रमा सक्रिय गायक समिर आचार्य हाल नेपालमा ब्यस्त छन् । उनको ‘दुनियाँ वेग्लै छ’, ‘हैन भन्देउ न माया’, ‘पिच रोड’, ‘लभ लेटर’ ‘घाममा सुकाइदेउ’, ‘उमेर अन्तर’जस्ता दर्जनौँ हिट गीत छन् ।
देशविदेशमा हुने विभिन्न मेला–महोत्सवहरूमा व्यस्त बन्दै आएका गायक आचार्यको ‘रेल गाडी’ सुरेखा क्षेत्रीसँगको दोस्रो सहकार्य गीत हो । उनीहरूले यसअघि पनि सँगै गाइसकेका छन् ।
