एजेन्सी– हलिउडका दिग्गज ८३ वर्षीया अल पचिनो चौथो पटक पिता बन लागेका छन् । पचिनोले प्रेमिका र फिल्म निर्माता नूर अल्फाल्लाहसँग केहि समय पछि चौथो बच्चालाई स्वागत गर्ने टिएमजेडले रिपोट गरेको छ । पचिनो र नूर अल्फाल्लाहले सन् २०२२ बाट डेट गर्न सुरु गरेका थिए । नुर २९ वर्षीकी हुन् ।
अल पचिनो, आफ्नो चौँथो बच्चाको आशा गर्दै गर्दा उनको पूर्व प्रेमिका र अभिनय कोच जान ट्यारान्टसँग ३३ वर्षीया छोरी जुली मारीका पिता पनि हुन्। उनी पूर्व प्रेमिका बेभर्ली डी एन्जेलोसँग २२ वर्षीय जुम्ल्याहा सन्तान एन्टोन र ओलिभिया छन् । उनले बेभलीसँग १९९७ देखि २००३ सम्म डेट गरेका थिए।
क्लासिक द गडफादर सिरिजका स्टार अल पचिनोले स्कारफेस, सेन्ट अफ अ वुमन, हीट, सर्पिको, सी अफ लभ, द डेभिल्स एड्भोकेट, द इनसाइडर...एन्ड जस्टिस फर अल, कार्लिटोज वे जस्ता प्रतिष्ठित फिल्महरूमा अभिनय गरेका छन्।
हालैका वर्षहरूमा, अभिनेताले वन्स अपन अ टाइम इन हलिउड, द आयरिशम्यान, हाउस अफ गुच्ची, द पाइरेट्स अफ सोमालिया, ड्यानी कोलिन्स जस्ता फिल्महरूमा अभिनय गरेका छन्।
प्रकाशित मिति: बुधबार, जेठ १७, २०८० ११:०५
