काठमाडौं - आज सुनको मूल्य दुई सयले बढेको छ । अघिलो दिनको तुलनामा आज सुनको मूल्य दुई सय रुपैँयाले बढेर काराेबार भइरहेकाे सुनचाँदी महासंघले जनाएको हाे ।
सुनचाँदी महासंघका अनुसार आज छापावाला सुन तोलाको एक लाख १२ हजार सात सय रुपैँयामा काराेबार भइरहेको छ ।
यस्तै तेजाबी सुन एक लाख १२ हजार एक सय पचाँस रुपैँयामा किनबेच भइरहेको छ ।
महासंघका अनुसार सुनको मूल्यसँगै आज चाँदीको मूल्य भने स्थिर रही तोलामा एक हजार चार सय २० रुपैँयामा कारोबार भइरहेको छ ।
प्रकाशित मिति: बुधबार, जेठ २४, २०८० ११:१८
