काठमाडाैं - ग्लोबल आईएमई बैंक लिमिटेड इन्फोसिस फिनाकल इनोभेसन अवार्ड-२०२३ बाट सम्मानित भएको छ। इन्फोसिस फिनाकल इनोभेसन अवार्ड बैंकिङ्ग टेक्नोलोजी क्षेत्रको एक प्रतिष्ठित अन्तर्राष्ट्रिय पुरस्कार हो।
ग्राहक केन्द्रित सेवाहरुमा नवीनतम सोचका साथ उत्कृष्ट प्राविधिक रूपान्तरण गरेको भन्दै यस बैंकलाई ट्रान्सफर्मेसन एक्सिलेन्स विधा अन्तर्गत सर्वाेत्कृष्ट घोषित गरिएको हाे।
नवीनतम ग्राहक केन्द्रित, प्राविधिक रूपान्तरण, यसको सही प्रयोग तथा प्रविधिमा आधारित सृजनशिलता जस्ता बुँदाहरुलाई आधार मानेर यो अवार्ड प्रदान गर्ने गरिएको छ ।
ग्लोबल आईएमई बैंककाे देशका ७७ जिल्लामा शाखा सञ्जाल रहेको छ । याे निजी क्षेत्रको पहिलो वाणिज्य बैंक भएकाे ग्लोबल बैंककाे दाबी छ ।
बैंकले ३५७ शाखा कार्यालय, ३५७ एटीएम, ३२२ शाखा रहित बैंकिङ्ग सेवा, ६४ एक्सटेन्सन तथा राजश्व सङ्कलन काउन्टर तथा ३ वटा वैदेशिक प्रतिनिधि कार्यालयसमेत गरी १ हजार एक सयभन्दा बढी सेवा केन्द्रबाट ४० लाखभन्दा बढी ग्राहकहरू माझ सेवा प्रदान गरिरहेको छ ।
प्रकाशित मिति: शुक्रबार, जेठ २६, २०८० १३:११
