काठमाडौं– गायिका लक्ष्मी पुरी प्रधानको नयाँ गीत ‘माया विरानी’ सार्वजनिक भएको छ । माया विरानीमा बाबुल गिरीको शब्द र संगीत रहेको छ । गीतको मिक्सिङ एचबीएन किस्मतले गरेका हुन् । उक्त गीतलाई गायिका पुरीले अनप्लग भिडियोसमेत सार्वजनिक गरेकी छन् । माया विरानीले आफ्नै यूट्यूब च्यानलबाट सार्वजनिक गरेकी हुन् । तृप्ती खड्काले निर्देशन गरेको भिडियोमा तपेश जोनको छायाङ्कन र सम्पादन रहेको छ ।
गायिका लक्ष्मी पुरी प्रधानको यसअघि दर्जनौँ गीतहरू बजारमा आइसकेका छन् । केही समय पहिलामात्र बजारमा आएको गीत ‘सिठ्ठी बजाउँछन्’लाई धेरैले मन पराका थिए । धेरै अवार्डमा उत्कृष्ट पाँचभित्र पर्न सफल भएको पपगीत ‘सिठ्ठी बजाउँछन्’ले उनलाई अझै उचाइमा पुर्याइदिएको थियो । साथै ‘माया विरानी’ले पनि आफूलाई थप उचाइ मिल्ने गायिका पुरीको विश्वास रहेको छ ।
गायिका गिरीका सोह्र वर्षे जोवन, धन हुनेलाई मन नहुने, आमाले दिएको दर, हे मेरा पति, धेरै भयो दाउरा घाँस, स्वर्गसरी मेरो माइतीघर, माइतीको आँगनलगायतका गीत बजारमा छन् ।
