छोरीको बुबा बने अभिनेता राम चरण
नयाँ दिल्ली– अभिनेता राम चरण र पत्नी उपासना कामिनेनीले आज बिहान हैदराबादमा पहिलो बच्चा, छोरीलाई स्वागत गरेका छन्। हैदरावादको अपोलो अस्पतालले मेडिकल बुलेटिन जारी गर्दै अभिनेता राम चरणको बच्चाको जन्म भएको घोषणा गरेको हो ।
रामचरण र उपासना कामिनेनीले २०१२ मा विवाह गरेका थिए । उपासनाले गत डिसेम्बरमा गर्भवती भएको घोषणा गरेकी थिइन्।
राम चरणले एसएस राजामौलीको ब्लकबस्टर पिरियड ड्रामा आरआरआरका स्टारको रूपमा व्यावसायिक सफल्ता हार्सिल गर्न सफल छन्। यस फिल्मको गीत नाटु नातु ओस्कर र गोल्डेन ग्लोब अर्वाड पनि जितेको थियो ।
राम चरण नयाँ फिल्म गेम चेन्जरमा देखिने भएका छन् । उनको सह– कलाकार कियारा आडवाणी छन् ।
प्रकाशित मिति: मंगलबार, असार ५, २०८० १०:३१
