काठमाडौं– पछिल्ला २४ घण्टामा देशका विभिन्न स्थानमा तीन जना मृत अवस्थामा फेला परेका छन् ।
नेपाल प्रहरीका अनुसार दाङको तुलसीपुर उपमहागनरपालिका– ३ एकता टोलस्थित पातुखोला नजिक सल्यान कालीमाटी गाउँपालिका-४ बस्ने ४४ वर्षीय भोला कडेल मंगलबार मृत अवस्थामा फेला परेका हुन् ।
त्यस्तै धनकुटाको छथरजोरपाटी गाउँपालिका-२ हात्तिखर्क सल्ले बस्ने १९ वर्षीय पूर्ण राना मगर सोही ठाउँस्थित बाटोमा मंगलबार मृत अवस्थामा फेला परेका छन् ।
यता चितवनको भरतपुर महानगरपालिका-२ नारायणी नदी किनारमा हाल नाम, थर, वतन नखुलेका अन्दाजी १६ वर्षीय पुरुष मंगलबार मृत अवस्थामा फेला परेका छन् ।
यस सम्बन्धमा प्रहरीले आवश्यक अनुसन्धान गरिरहेको छ ।
प्रकाशित मिति: बुधबार, असार १३, २०८० १६:०१
